س: طيب هو أنا كبنت أبحث و أتمنى الارتباط بشاب طموح و نسافر نطلب العلم .. أو حتى أعينه .. لكن ألاقيه فين؟ج: طيب يعنى في شباب كثير لكن سيادتك عندك تحديات
س: تحديات زي ايه؟ج: عشان أكون واقعي لازم تعملي حسابك تكوني من محبي المغامرة و المخاطرة
س: ممكن توضح؟ج: أولا تركزي على طموح الأسرة و تهتمي بتحقيقه سوياثانيا تنسي الشكليات و مواطن الفخر التي تتباهى بها العائلات مثل قيمة الشبكة و المهر و كل دهثالثا بلاش موضوع الشقة يقف عائق طالما لسه أمامكم سنوات في الغربةرابعا تحاولي تقنعي الأهل بأن أهم شئ عندك مشاركة الطموح و أن قيمة المكافحة لتحقيق مستقبل أفضل لا تقاس بإمكاناتكم في سن الشباب و لكن بطموحكم و إنجازاتكمخامسا لو لم يتقدم لك أحد حاولي تقنعي أهلك أو أصدقائك بالتوسط مع من تتوسمين فيه خيرا
س: طيب أنا موافقة على كله و عندي استعداد اغترب و نكافح سويا .. إنما "خامسا" دي صعبة .. كرامتي لا تسمح .. أعمل ايه؟ج: تأكدي أن من في ظروفك بالمئات و الآلاف لكن أنتم محتاجين تتشجعوا و تبدعوا و تخرجوا بره التقاليد الهلامية طالما لا تخالفون شرعا
س: بمعنى؟ج: يعني مثلا مش أم المؤمنين خديجة هي من بادرت بالطلب
س: صحيح لكن ...ج: لكن ايه؟ حضرتك أقل منها بكثير .. يعني مفيش قصة الكرامة دي .. دي حجة هلامية من صناعة مجتمع تخلف عن جوهر الحياة .. و بعدين عندكم مواقع التواصل و الجامعات و غيرها .. ممكن تفكري مع زميلاتك في كيفية مناسبة لعرض الموضوع لكن أهم شئ يكون الأهل في الصورة
س: طيب يعني كده نكسر بسهولة حواجز المجتمع؟ و كلام الناس؟ج: كلام الناس لا بيقدم و لا يأخر
و بعدين نحن لا نكسر الحواجز بل بالعكس نفتح الأبواب
س: طيب هو مش من حقي أحب قبل الجواز؟ج: طيب سأعتبر نفسي لم أسمع السؤال .. اللي بعده
س: طيب أعرف منين إننا سنحب بعض بعد الجواز؟ج: أولا في قعدة عائلية ثم قبول ثم خطبة تتبادلوا فيها الأفكار و الآراء و الاحترام و تتعرفوا على مواطن القوة و الضعف .. و لو هناك توازن و نية صادقة في بناء أسرة و مجتمع صالح ربنا سيغرس الحب و الكلام الطيب فيكما غرسا
س: بس الكلام ده مش في الأفلام؟ج: يعني أنا لو اتفرجت على فيلم رعب أو ساسبنس هطلع ألاقي الناس كلها زومبي أو البوليس بيطارد عصابة القناع الأسود .. محدش بوظنا غير الإعلام الهابط ده
س: هابط ايه بس ... الحب و الرومانسية قبل الزواج يا عم الحج ..ج: طيب ادخلي على السؤال اللي بعده عشان هيجي لي هبوط من العك ده
س: طيب معندكش عريس؟ج: عندي بس ملهمش في الأفلام
س: يا سيدي انت صدقت .. أنا عاقلة و رزينة .. مش باين و لا ايه؟ج: طيب سكتك خضرا و ابقي فوتي عليا الأسبوع الجاي
ليست هناك تعليقات:
إرسال تعليق